प्रस्तावक महाराष्ट्र राज्यातील शासकीय, निमशासकीय किंवा खाजगी संस्थेत कार्यरत अधिकारी अथवा कर्मचारी असावा.

राज्य शासन, केंद्र शासन, तसेच सरकारी उपक्रमांतील अधिकारी/कर्मचारी तसेच खाजगी क्षेत्रातील पात्र कर्मचारी वर्ग या पुरस्कारासाठी पात्र राहतील.

प्रस्तावकाचे सेवाकाल किमान १ वर्ष पूर्ण असणे आवश्यक आहे.

प्रस्तावक निर्व्यसनी असावा. अंतिम निवड करताना “बी द चेंज फाउंडेशन” तर्फे संबंधित विभाग/संस्थेशी संपर्क साधून खातरजमा केली जाईल.

कोणत्याही प्रकारची विभागीय चौकशी सुरु नसावी किंवा प्रस्तावक निलंबित नसावा.

प्रस्तावकाने आपल्या सेवाकाळात नैतिक आचारसंहिता, प्रामाणिकपणा, जबाबदारी व शिस्तपालनाचे उत्तम उदाहरण सादर केलेले असावे.

प्रस्तावकाने आपल्या कार्याशी संबंधित कोणत्याही प्रकारची चुकीची अथवा दिशाभूल करणारी माहिती दिल्यास त्याचा प्रस्ताव अवैध ठरेल.

प्रस्ताव दाखल करत असताना दिलेली माहिती व पुरावे अचूक व सत्य असणे आवश्यक आहे.

पुरस्कारासाठी सादर केलेले सर्व पुरावे स्वयंसाक्षांकित (Self-attested) असणे आवश्यक आहे.

प्रस्तावकाने आपल्या कार्यक्षेत्रात नवोपक्रम, जनसेवा, पारदर्शकता व समाजहितासाठी केलेले योगदान स्पष्टपणे नमूद करावे.

प्रस्तावात दिलेली माहिती व कागदपत्रे “बी द चेंज फाउंडेशन” च्या तज्ञ समितीद्वारे पडताळणी केली जाईल.

निवड झालेल्या सर्व महाराष्ट्र गुणगौरव पुरस्कारार्थींच्या कागदपत्रांची व सेवाविवरणांची अंतिम खातरजमा संबंधित विभाग किंवा खाजगी संस्थेशी थेट संपर्क साधून केली जाईल.

कोणत्याही कारणास्तव चुकीची माहिती दिल्याचे आढळल्यास संबंधित व्यक्तीचा पुरस्कार रद्द करण्यात येईल.

प्रस्तावकाने आपल्या सेवाकाळात नवीन कल्पना, तांत्रिक नवोपक्रम, प्रशासनिक सुधारणा किंवा नागरिकाभिमुख उपक्रम राबविले असल्यास त्यास विशेष प्राधान्य दिले जाईल.

शासकीय तसेच खाजगी क्षेत्रातील अधिकारी/कर्मचारी यांनी कार्यकाळात प्रामाणिक, पारदर्शक आणि जबाबदार सेवा बजावलेली असावी.

कोणत्याही प्रकारची विभागीय चौकशी, निलंबन अथवा शिस्तभंग कारवाई प्रलंबित नसावी (शासकीय) किंवा संस्थेतील शिस्तभंग कारवाई नसावी (खाजगी).

विभाग/संस्थेच्या कामकाजात सुलभता, पारदर्शकता आणि कार्यक्षमता वाढविण्यासाठी नवकल्पना राबविलेली असावी.

डिजिटलायझेशन, ई-गव्हर्नन्स, ऑटोमेशन किंवा प्रक्रियेसुधारणा क्षेत्रात उल्लेखनीय योगदान असावे.

नागरिकाभिमुख उपक्रम, सामाजिक जबाबदारी (CSR), पर्यावरण संवर्धन, महिला व बालकल्याण, शिक्षण, आरोग्य इत्यादी क्षेत्रात सक्रिय सहभाग असावा.

सहकारी अधिकारी व कर्मचारी यांच्यात समन्वय साधत कामकाज यशस्वीपणे पार पाडलेले असावे.

नेतृत्वगुण, निर्णयक्षमता आणि आव्हानात्मक परिस्थितीत कार्यक्षमतेचे प्रदर्शन केलेले असावे.

संबंधित विभाग, कार्यालय किंवा संस्थेच्या कार्यक्षमतेत मोजता येईल अशी सकारात्मक सुधारणा केलेली असावी.

नागरिक किंवा ग्राहकांना थेट फायदा होईल अशी योजना, सेवा किंवा उपक्रम राबविलेले असावेत.

वैयक्तिक व व्यावसायिक कौशल्यविकासासाठी प्रशिक्षण, कार्यशाळा किंवा संशोधनात्मक उपक्रमात सहभाग घेतलेला असावा.

कार्यक्षेत्रातील ज्ञान, कौशल्य व गुणवत्ता वृद्धी करण्यासाठी सतत प्रयत्नशील असणे.

शासन, संस्था किंवा अन्य प्रतिष्ठित संस्थेकडून प्राप्त पुरस्कार, सन्मान अथवा प्रशस्तीपत्रे असल्यास प्राधान्य.

समाजात प्रेरणादायी ठरणारे कार्य किंवा प्रकल्प राबविलेले असावेत.

शासकीय अथवा खाजगी जबाबदाऱ्या पार पाडताना समाजाशी सुसंवाद राखून सकारात्मक परिणाम घडविणारे कार्य केलेले असावे.

जनजागृती, नैतिक मूल्ये, आरोग्य, स्वच्छता, शिक्षण किंवा पर्यावरण विषयक मोहिमा राबवून समाजावर सकारात्मक प्रभाव निर्माण केलेला असावा.